Sipas policisë, 10 shtetas janë proceduar penalisht, kryesisht për drejtim të automjetit në gjendje të dehur dhe/ose pa leje drejtimi.
Dhjetë persona janë proceduar penalisht dhe 5444 masa administrative janë vendosur nga Policia Rrugore e Tiranës gjatë 48 orëve të fundit, në kuadër të kontrolleve të intensifikuara në rrugët e kryeqytetit.
Sipas policisë, 10 shtetasit janë proceduar kryesisht për drejtim të automjetit në gjendje të dehur dhe/ose pa leje drejtimi.
Ndërkohë, 3 persona të tjerë janë proceduar penalisht pasi dyshohet se kanë tentuar të korruptojnë punonjësit e Policisë, me qëllim shmangien e masave administrative për shkelje të rregullave të qarkullimit, përfshirë drejtimin nën efektin e alkoolit dhe përdorimin e celularit gjatë drejtimit të automjetit.
Gjatë kontrolleve janë bllokuar 18 automjete; tërhequr 13 leje qarkullimi; vendosur 5444 masa administrative për shkelje të ndryshme.
Policia Rrugore bën me dije se kontrollet janë kryer me shërbime të shtuara në terren dhe përmes pajisjeve teknologjike, me fokus parandalimin e aksidenteve dhe rritjen e sigurisë rrugore.
Drejtimi me shpejtësi tej normave, përdorimi i celularit gjatë drejtimit, drejtimi nën efektin e alkoolit dhe drejtimi pa leje drejtimi konsiderohen nga Policia si ndër shkeljet me rrezikun më të lartë për aksidente.
