Ish zëvendëskryeministrja Belinda Balluku do të merret e pandehur për akuzën e shkeljes në tendera edhe për 6 tendera të tjerë.
Prokuroria e Posaçme e thirri Ballukun sot në orën 10:00 së bashku me avokatin mbrojtës për t’i komunikuar zyrtarisht statusin e të pandehurës.
Ajo do merret zyrtarisht nën akuzë edhe për 6 lotet e tjera të Unazës së Madhe të Tiranës, ndërkohë që më herët ishte marrë zyrtarisht e pandehur për lotin 4 dhe tenderin e Tunelit të Llogarasë.
Gjithashtu po sot iu komunikuua edhe zgjatja me 3 muaj e hetimeve, komunikim që vjen pasi dy ish-vartësit e saj, Gentian Gjyli dhe Erald Elezi.
Ndërkohë vijon hetimi për korrupsion e pastrim parash, akuzë që lidhet me dy tendera me vlerë mbi 1 mln euro në kohën kur Balluku ishte drejtoreshë e Përgjithshme e “Albcontrol”. SPAK thotë se tenderat iu dhanë në shkelje një kompanie ndërtimi, dhe Balluku mori ryshfet një vilë në Dhërmi me vlerë 145 mijë euro, e cila është sekuestruar me vendim të djeshëm të GJKKO.
