Sipas të dhënave paraprake, dyshohet se shpejtësia mbi normat e lejuara mund të ketë qenë një nga shkaqet e aksidentit, duke vështirësuar manovrimin e automjeteve.
Një aksident i rëndë rrugor me pasojë vdekjen e një personi është regjistruar mëngjesin e sotëm në autostradën Levan-Tepelenë, pranë vendit të njohur si “Rrethrrotullimi i Levanit”.
Në aksident janë përfshirë dy automjete, një tip “Audi” dhe një tip “Benz”, të cilat janë përplasur me njëra-tjetrën. Si pasojë e përplasjes së fortë, ka humbur jetën drejtuesi 55-vjeçar i automjetit “Audi”, Dashmir Beca.
Trupi i viktimës është transportuar drejt morgut, ndërsa drejtuesi i automjetit tjetër raportohet se ndodhet jashtë rrezikut për jetën.
Nga aksidenti kanë mbetur të plagosur edhe tre pasagjerë që udhëtonin në automjetin “Benz”. Edhe gjendja e tyre raportohet jashtë rrezikut për jetën.
Sipas të dhënave paraprake, dyshohet se shpejtësia mbi normat e lejuara mund të ketë qenë një nga shkaqet e aksidentit, duke vështirësuar manovrimin e automjeteve.
Shkaqet dhe rrethanat e plota të ngjarjes mbeten për t’u përcaktuar nga hetimet.
