Tarja, Ymeri dhe Piroli u arrestuan pak ditë më parë gjatë operacionit policor të koduar “Detajet”, pasi dyshohet se po përgatiteshin të kryenin një atentat, i cili u parandalua nga Policia e Lezhës. Sipas dyshimeve të grupit hetimor, tre të arrestuarit mund të kenë lidhje me tre vrasje të ndodhura gjatë dy viteve të fundit.
Gjykata e Lezhës ka lënë në qeli tre të arrestuarit Elden Tarja, Kristian Ymeri, i njohur edhe si Shkambi, dhe Vinçesk Piroli. Ata u paraqitën këtë të hënë në Gjykatën e Lezhës, nën masa të rrepta sigurie, të shoqëruar nga Forcat e Ndërhyrjes së Shpejtë (FNSH).
Tarja, Ymeri dhe Piroli u arrestuan pak ditë më parë gjatë operacionit policor të koduar “Detajet”, pasi dyshohet se po përgatiteshin të kryenin një atentat, i cili u parandalua nga Policia e Lezhës. Sipas dyshimeve të grupit hetimor, tre të arrestuarit mund të kenë lidhje me tre vrasje të ndodhura gjatë dy viteve të fundit.
Hetuesit po vijojnë mbledhjen e provave për të verifikuar dyshimet se ata vepronin si vrasës me pagesë. Mes ngjarjeve për të cilat po hetohen janë vrasja e Artan Myrtajt në Sarandë, si dhe dy vrasje të tjera, një në qarkun e Shkodrës dhe tjetra në Mirditë.
Vinçesk Piroli dyshohet nga hetuesit si ekzekutori kryesor në këto ngjarje. Sipas të dhënave të hetimit, Piroli dhe Shkambi u arrestuan teksa lëviznin me një motomjet të vjedhur në Suedi, të armatosur dhe të pajisur me skafandra.
Ndërkohë, Elden Tarja dyshohet se kishte rolin e ndihmësit, duke i pritur me automjet për t’i larguar nga vendi i ngjarjes pas kryerjes së atentatit të dyshuar. Gjatë operacionit policor, autoritetet sekuestruan tri pistoleta, municion luftarak, motomjetin dhe një automjet tip “Volkswagen”.
