“Takohuni me bazën”, zbardhet urdhri i Ramës për ministrat

Facebook
WhatsApp

Në fokus të takimit ka qenë komunikimi i masave financiare me strukturat e Partisë Socialiste dhe qytetarët në qarqe.

Kanë dalë detaje nga takimi që kryeministri Edi Rama zhvilloi paraditen e sotme me ministrat dhe drejtuesit politikë të qarqeve në Kryeministri.

Mbledhja ka zgjatur rreth një orë e 30 minuta dhe është përqendruar te projektbuxheti i vitit 2027 dhe paketa fiskale që do ta shoqërojë.

Gjatë diskutimeve, Rama u ka kërkuar ministrave dhe drejtuesve politikë të organizojnë takime me strukturat e Partisë Socialiste në qarqe, për të shpjeguar masat dhe parashikimet që përmbajnë dy dokumentet financiare.

Kryeministri ka kërkuar gjithashtu që përfaqësuesit e qeverisë dhe drejtuesit politikë të komunikojnë drejtpërdrejt me qytetarët, duke i informuar për përmbajtjen e projektbuxhetit dhe ndryshimet që parashikon paketa fiskale për vitin e ardhshëm.

“Zhvilloni takime me strukturat e Partisë Socialiste në bazë dhe me qytetarët në qarqe. Shpjegoni masat dhe parashikimet e projektbuxhetit të vitit 2027 dhe të paketës fiskale, në mënyrë që të gjithë të njihen me përmbajtjen e tyre.”- mësohet të jetë shprehur Rama.

Takimi është zhvilluar ndërsa në Tiranë vijojnë protestat studentore, të cilat këtë të premte kanë hyrë në ditën e 18-të.

Pas përfundimit të mbledhjes, nuk janë bërë publike vendime të tjera

Never miss any important news. Subscribe to our newsletter.

Lajme të Ngjashme

Never miss any important news. Subscribe to our newsletter.

Lajmet e Fundit

Editor's Pick