Berisha: Më 28 Nëntor, protesta më e fuqishme që ka parë vendi!

Facebook
WhatsApp

Kreu i Partisë Demokratike, ka akuzuar qeverinë se paketa e re fiskale do të rëndojë më shumë mbi shtresat në nevojë, duke sjellë rritje të çmimeve të produkteve dhe shërbimeve bazë.

Lideri i opozitës, Sali Berisha bëri thirrje për një protestë masive më 28 Nëntor, duke e cilësuar atë si një akt nderimi për flamurin kombëtar dhe sakrificën e të rënëve për Shqipërinë.

Gjatë mbledhjes me Grupin Parlamentar të PD, Berisha u kërkoi qytetarëve dhe bizneseve nga mbarë vendi të dalin në rrugë dhe sheshe për atë që e cilësoi si protestën më të fuqishme kundër regjimit të Edi Ramës.

“Nuk ka nder më të madh për flamurin kombëtar të këtij vendi se sa një protestë e fuqishme e paparë ndonjëherë nga shqiptarët ndaj këtij regjimi, ndaj këtij Padrinoje.

Duhet të nderojmë flamurin, duhet të nderohen me 28 Nëntor të rënët e kombit të të gjitha kohërave, sakrifica e tyre. Ndaj dhe ftoj të gjitha bizneset nga mbarë vendi të shndërrojmë 28 Nëntorin në ditën e nderimit më të madh të flamurit tonë.

Me një regjim si ky, pasiguria totale i pret shqiptarët. Urdhëro ç’bën. Kur ky me aktet që janë, si të thuash, të sanksionuara në të gjitha ligjet, procedura e tij vepron në këtë mënyrë, imagjinoni.

Por ka dhe një motiv të madh, përveç kësaj, barbaria që ai tregoi ndaj studentëve nuk i falet kurrë.Ato këmbë të thyera, ato krahë, ato kafka të çara, janë plagë për çdo shqiptar, sepse ato kanë qenë akte barbare, të një njeriu për karrigen e tij që ka pasur motiv vetëm urrejtjen ndaj rinisë shqiptare, ndaj të ardhmes së këtij vendi.

Edhe ky është një motiv madhor. 28 Nëntori, dita e përkushtimit tonë ndaj flamurit, himnit të tij dhe të ardhmes të Shqipërisë”- tha ai.

Kreu i Partisë Demokratike, ka akuzuar qeverinë se paketa e re fiskale do të rëndojë më shumë mbi shtresat në nevojë, duke sjellë rritje të çmimeve të produkteve dhe shërbimeve bazë.

Berisha kritikoi ndryshimet në skemën e TVSH-së, duke pretenduar se përfshirja e 17 500 subjekteve të reja në skemën e tatimit mbi vlerën e shtuar do të sjellë rritjen e çmimeve në dyqanet që tregtojnë ushqime dhe produkte bazë.

Sipas tij, pavarësisht uljes së pretenduar të TVSH-së nga 20 në 6 për qind për kategori të caktuara, zgjerimi i bazës së subjekteve që i nënshtrohen këtij tatimi do të ketë pasoja të drejtpërdrejta për konsumatorët.

Berisha u ndal edhe te përfshirja e profesioneve të lira në skemën fiskale, duke paralajmëruar se kjo do të sjellë shtrenjtim të shërbimeve, falimentim të disa aktiviteteve dhe largim të profesionistëve nga Shqipëria.

Never miss any important news. Subscribe to our newsletter.

Lajme të Ngjashme

Never miss any important news. Subscribe to our newsletter.

Lajmet e Fundit

Editor's Pick