Reuters shkruan se ajo ndikojë edhe në vendet ballkanike si Bosnja dhe Shqipëria dhe vendet e Azisë Jugore Pakistan dhe Bangladeshi.
Një gjykatë federale në SHBA ka rrëzuar pezullimin e vizave emigruese për shtetasit e 75 vendeve, mes tyre edhe Shqipëria. Gjykatësja federale Jeannette Vargas në Manhattan tha se politika që Departamenti i Shtetit njoftoi në janar ishte qartësisht e paligjshme dhe binte ndesh me ligjin federal të emigracionit, i cili në mënyrë të qartë ia hiqte sekretarit të shtetit autoritetin mbi procesimin e vizave të emigrantëve nga zyrtarët konsullorë.
“Politika, e cila ndalon kategorikisht lëshimin e vizave emigrante bazuar në kombësinë e aplikantit, përfaqëson një shfuqizim të drejtpërdrejtë të kësaj skeme statutore,” shkroi ajo.
Pezullimi i Departamentit të Shtetit që hyri në fuqi gjithashtu në janar ndikoi aplikantët nga vendet e Amerikës Latine përfshirë Brazilin, Kolumbinë dhe Uruguain.
Reuters shkruan se ajo ndikojë edhe në vendet ballkanike si Bosnja dhe Shqipëria dhe vendet e Azisë Jugore Pakistan dhe Bangladeshi. Departamenti i Shtetit tha se aplikantët nga ato vende ishin në rrezik të lartë për t’u bërë barrë publike dhe për t’u drejtuar burimeve të qeverisë lokale, shtetërore dhe federale në Shtetet e Bashkuara.
Presidenti Donald Trump ka ndjekur një goditje agresive ndaj emigracionit që sipas tij synon përmirësimin e sigurisë së brendshme. Grupet e të drejtave thonë se shtypja ka shkelur lirinë e fjalës dhe të drejtat e procesit të drejtë dhe ka krijuar një mjedis të pasigurt, veçanërisht për pakicat etnike, të cilat kanë ngritur shqetësime për profilizimin racor.
Lista e plotë e vendeve të prekura nga pezullimi i vizave, e publikuar nga Fox News, përfshin Afganistanin, Shqipërinë, Algjerinë, Antiguan dhe Barbudën, Armeninë, Azerbajxhanin, Bahamasin, Bangladeshin, Barbadosin, Bjellorusinë, Belizen, Butanin, Bosnjë Hercegovinën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguan, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.
