Jason Arday ishte mirëpritur tre vjet më parë si profesori më i ri me ngjyrë dhe, për më tepër, me spektrin e autizmit, që kishte fituar një post akademik në Cambridge. Por kohët e fundit rezultoi se ishte thjesht një mashtrues, që kishte sajuar histori të pabesueshme për të zbukuruar CV-në e tij dhe kishte kopjuar fjalë për fjalë pjesë të tëra të punimeve të tij.
Jason Arday, ish-profesor i Universitetit të Kembrixhit, i cili u vu në qendër të një debati për plagjiaturë, është gjetur i vdekur. Shërbimet e emergjencës thanë se ai u gjet pa ndjenja në një adresë në Battersea, në jug të Londrës, të premten pasdite.
Arday dha dorëheqjen si profesor i sociologjisë së arsimit në Kembrixh javën e kaluar pas akuzave për plagjiaturë dhe pyetjeve rreth disa prej arritjeve të tij, ndërsa i kishte mohuar akuzat. Familja e Arday tha në një deklaratë se ishin të shokuar që kishin humbur këtë baba, partner, vëlla, xhaxha dhe bir të mrekullueshëm.
“Fushata e dezinformimit ishte shumë e fortë për Jasonin, i cili ishte një njeri i sjellshëm dhe që gjithmonë donte të shihte më të mirën tek të gjithë. Jason ishte objektivi i një fushate të vazhdueshme shpifjesh për më shumë se tre vjet, pasi pranoi postin në Universitetin e Cambridge-it, e drejtuar nga njerëz të gatshëm të bënin gjithçka për ta diskredituar. Kjo fushatë dezinformimi ishte e padurueshme për Jason”, thanë ata.
Arday ishte mirëpritur tre vjet më parë si profesori më i ri me ngjyrë dhe, për më tepër, me spektrin e autizmit, që kishte fituar një post akademik në Cambridge. Por kohët e fundit rezultoi se ishte thjesht një mashtrues, që kishte sajuar histori të pabesueshme për të zbukuruar CV-në e tij dhe kishte kopjuar fjalë për fjalë pjesë të tëra të punimeve të tij.
BBC shkruan se Arday kishte pretenduar se kishte mësuar të lexonte dhe të shkruante vetëm në moshën 18-vjeçare, gjë që e bënte të vështirë shpjegimin e marrjes së diplomave të mëparshme shkollore, se kishte vrapuar 600 milje në 6 ditë, gjë që do ta bënte një nga atletët më të mëdhenj të të gjitha kohërave. Gjithashtu ai kishte pretenduar se kishte marrë pjesë në një program televiziv që ishte transmetuar para se ai të lindte, si dhe se kishte botuar një libër që nuk ekzistonte. Por mbi të gjitha, 180 pasazhe të tezës së tij të doktoraturës rezultuan identike me punime të tjera të studiuesve të tjerë.
Libri tregon historinë e jetës së tij që nga mosha joverbale deri në moshën 11 vjeç dhe e paaftë për të lexuar ose shkruar deri në moshën 18 vjeç, duke kaluar më pas nëpër një sërë triumfesh të pamundura dhe pengesash zemërthyes, përpara se të emërohej profesor i sociologjisë së arsimit në Kembrixh.
Në fund, nën presionin e zbulimeve që vazhdonin të grumbulloheshin, Universiteti i Cambridge-it vendosi të hapte një hetim mbi rrethanat e emërimit të Arday-t dhe ai dha menjëherë dorëheqjen nga posti.
Çështja shkaktoi një debat të gjerë mbi kriteret e ekselencës akademike dhe mënyrën se si këto kritere po përshtaten gjithnjë e më shpesh me kërkesat e korrektësisë politike. Por pati edhe nga ata që vunë në dukje se sulmet ndaj Ardayt mund të kishin edhe elemente racore.
