Kuqezinjtë përgatiten për duelin me Finlandën

Facebook
WhatsApp

Kombëtarja shqiptare do të përballet të enjten me Finlandën, në një nga ndeshjet më të rëndësishme të grupit në Ligën e Kombeve. Përveç rezultatit, kuqezinjtë duhet të tregojnë kujdes edhe me kartonët e verdhë, pasi shtatë futbollistë rrezikojnë të humbasin sfidën e 15 nëntorit kundër Bjellorusisë.

Në listën e lojtarëve që rrezikojnë pezullimin përfshihen disa prej futbollistëve që po kalojnë një periudhë pozitive si me klubet e tyre, ashtu edhe me fanellën kuqezi.

Mes tyre është kapiteni Berat Gjimshiti, si dhe Stavro Pilo, i cili është bërë futbollisti shqiptar me më shumë gola në Champions League, pas realizimeve ndaj Manchester City-t dhe Real Madridit.

Në repartin e mbrojtjes rrezikon gjithashtu Ardian Ismajli, ndërsa në mesfushë Kristjan Asllani dhe Ylber Ramadani. Në sulm, Myrto Uzuni është i vetmi lojtar që ndodhet në këtë situatë, ndërsa listën e plotëson portieri Alen Sherri.

Të shtatë futbollistët, në rast se ndëshkohen me karton të verdhë ndaj Finlandës, nuk do të jenë në dispozicion të trajnerit Maran për takimin e fundit të fazës së grupeve kundër Bjellorusisë.

Sa i përket përballjes me Finlandën, Shqipëria shihet si favorite nga koeficientët e basteve, duke marrë parasysh edhe paraqitjen e kuqezinjve në ndeshjen e parë të zhvilluar në Helsinki.

overlay-clevercloseLogo
Një tjetër tregues në favor të Shqipërisë është renditja në FIFA, ku kuqezinjtë mbajnë vendin e 66-të, nëntë pozicione më lart se Finlanda, e cila renditet e 75-ta.

Megjithatë, statistikat e përballjeve direkte favorizojnë finlandezët. Në tetë ndeshjet e mëparshme mes dy kombëtareve, Shqipëria ka regjistruar dy fitore, një barazim dhe pesë humbje

Never miss any important news. Subscribe to our newsletter.

Lajme të Ngjashme

Never miss any important news. Subscribe to our newsletter.

Lajmet e Fundit

Editor's Pick