Sipas tij, disa vende perëndimore po përpiqen njëkohësisht të krijojnë distancë publike nga politikat dhe veprimet e ndërmarra kundër Rusisë. Lavrov paralajmëroi se përpjekje të tilla nuk do t’i shmangin ato nga përgjegjësia që Moska ua atribuon për mbështetjen ndaj Kievit.
Ministri i Jashtëm rus, Sergej Lavrov, ka lëshuar një tjetër paralajmërim ndaj vendeve të NATO-s dhe Bashkimit Evropian, duke deklaruar se Moska do të mbajë parasysh veprimet e tyre në lidhje me mbështetjen ushtarake për Ukrainën.
Në një intervistë për V”esti”, Lavrov akuzoi disa vende perëndimore se po ndjekin atë që ai e cilësoi si një linjë “rusofobe” ndaj Moskës.
Kryediplomati rus përmendi Britaninë, Francën, Gjermaninë dhe vende të tjera të NATO-s dhe BE-së, si dhe Brukselin, duke pretenduar se ato janë të vetëdijshme për pasojat e politikave që po ndjekin.
“Rusia do të marrë parasysh gjithçka që elitat hapur rusofobe po bëjnë tani”, deklaroi Lavrov.
Sipas tij, disa vende perëndimore po përpiqen njëkohësisht të krijojnë distancë publike nga politikat dhe veprimet e ndërmarra kundër Rusisë.
Lavrov paralajmëroi se përpjekje të tilla nuk do t’i shmangin ato nga përgjegjësia që Moska ua atribuon për mbështetjen ndaj Kievit.
Duke iu referuar përpjekjeve për t’u distancuar paraprakisht nga përgjegjësia për këto politika, ministri i Jashtëm rus deklaroi se “nuk do të funksionojnë”.
Deklaratat e Lavrov vijnë në një kohë kur vendet e NATO-s dhe Bashkimit Evropian vijojnë mbështetjen për Ukrainën, ndërsa Moska vazhdon të kritikojë furnizimet ushtarake perëndimore për Kievin.
