Sipas raportimeve, trupi është gjetur përballë godinës së Gjykatës së Apelit
Një ngjarje e rëndë ka ndodhur ditën e sotme në Shkozet të Durrësit, ku një person është gjetur i pajetë. Sipas raportimeve, trupi është gjetur përballë godinës së Gjykatës së Apelit, teksa paraprakisht dyshohet se ka humbur jetën për shkaqe natyrore.
Sipas policisë, viktima është identifikuar si shtetasi E. G. 38 vjeç, banues në Plazh, i cili paraprakisht thuhet se vuante nga një sëmundje kronike. Në vendngjarje ka shkuar grupi hetimor për veprimet procedurale ndërsa ekspertiza mjeko-ligjore do të përcaktojë shkakun e vdekjes.









