Epiqendra u regjistrua pranë Alhendín, në një thellësi prej rreth 2 kilometrash. Lëkundjet u ndjenë në zona të ndryshme të Granadës dhe në të gjithë provincën e Malagës, ndërsa raportohen dëme materiale.
– Një tërmet me magnitudë 5 ballë goditi provincën e Granadës në Spanjë, në orën 01:04 të mëngjesit të kësaj të shtune. Epiqendra u regjistrua pranë Alhendín, në një thellësi prej rreth 2 kilometrash. Lëkundjet u ndjenë në zona të ndryshme të Granadës dhe në të gjithë provincën e Malagës, ndërsa raportohen dëme materiale.
Mediat raportojnë se pas tërmetit, autoritetet rajonale aktivizuan Planin e Emergjencës për Rrezikun Sizmik në Granada, duke e ngritur atë në nivelin operacional 1. Tërmeti shkaktoi alarm te banorët dhe një natë të tensionuar në disa zona, ndërsa ekipet e emergjencës vijojnë vlerësimin e dëmeve dhe situatës në terren.
“Qetësi dhe kujdes”
Presidenti i qeverisë rajonale të Andaluzisë, Juanma Moreno, bëri thirrje të shtunën për qetësi dhe kujdes të jashtëzakonshëm.
“Një natë tronditjeje dhe ankthi në Granada pas një tërmeti me magnitudë 5 që shkaktoi disa dëme materiale dhe u ndje në disa provinca. Qëndroni të qetë, kini shumë kujdes rreth çdo kornize ose fasade të dëmtuar që mund të lirohet ende dhe ju lutemi ndiqni të gjitha rekomandimet. Po e ndjekim nga afër situatën”, tha ai në X.
Sipas një mesazhi të postuar nga shërbimi i emergjencës 112 në llogaritë e tij në mediat sociale, tërmeti shkaktoi më shumë se 80 thirrje nga të gjitha provincat e Andaluzisë, përveç Huelvës dhe Cadizit. Në dritën e situatës, Emergencias 112 Andalucía këshilloi njerëzit të shmangin hyrjen ose daljen e panevojshme nga ndërtesat.
Në rrugë, ajo këshillon njerëzit të qëndrojnë larg fasadave të ndërtesave, kornizave, ballkoneve, mureve dhe çdo strukture tjetër që mund të shkëputet dhe të shkaktojë dëme. Ky tërmet vjen pas një dridhjeje të mëparshme të së premtes në mbrëmje, rreth orës 18:43, me një magnitudë prej 3.7 ballë dhe një intensitet prej IV, e cila u ndje gjerësisht në Granada dhe zonën përreth. Epiqendra e këtij tërmeti ishte në La Zubia.
Shërbimi i emergjencës 112 i Agjencisë së Emergjencave Andaluziane (EMA) raportoi se kishte marrë thirrje nga qytete të ndryshme në rajonin qendror të provincës, siç është qyteti i Granadës dhe komunat duke përfshirë La Zubia, Churriana de la Vega, Las Gabias, Ogíjares dhe Maracena. Megjithatë, tërmeti i kësaj të shtune u ndje me intensitet të veçantë edhe në Malaga.
