Pak më herët një person ka mbetur i plagosur rëndë me thikë pas një sherri të ndodhur në afërsi të shkollës “Demokracia” në qytetin e Korçës.

Një ngjarje e rëndë ka tronditur Shkodrën. Raportohet se një grua është vrarë nga bashkëshorti i saj, ndërsa ngjarja ka ndodhur paraditen e sotme në zonën e Unazës Perëndimore të qytetit.

Sipas raportimeve të para, viktima është Bardhe Ziqi. Autori i dyshuar i krimit Shtjefen Ziqi është vetëdorëzuar në Polici së bashku me armën e krimit. Grupi hetimor ndodhet në vendngjarje dhe po kryen veprimet procedurale për zbardhjen e plotë të rrethanave dhe motiveve që çuan në vrasjen e gruas.

Më herët një person ka mbetur i plagosur rëndë me thikë pas një sherri të ndodhur në afërsi të shkollës “Demokracia” në qytetin e Korçës. Sipas informacioneve paraprake, raportohet se dy persona janë konfliktuar me njëri-tjetrin, ndërsa gjatë sherrit është përdorur një mjet prerës.

Si pasojë, njëri prej tyre ka mbetur i plagosur rëndë dhe është transportuar në spital, ku po merr ndihmë mjekësore. Paraprakisht, bëhet me dije se një person i identifikuar si Gëzim Ramka 54 vjeç, dyshohet se ka plagosur me thikë në qafë Rigels Janaqin 40 vjeç.