UEFA tha sot se paraqiti dokumente në një gjykatë të Manhattanit duke kërkuar zbulimin e provave të mundshme nga fondi i investimeve në Nju Jork, Thrive Capital Management, i themeluar nga Joshua Kushner. Dokumenti sugjeron se shifra prej 4.2 miliardë dollarësh mund të jetë një “çmim mashtrues jashtë tregut i promovuar nga Infantino për përfitimin e tij”.
UEFA po përgatit një padi penale kundër presidentit të FIFA-s, Gianni Infantino, në gjykatat zvicerane për keqmenaxhim të mundshëm financiar lidhur me planin e tij të dështuar për t’ua shitur investitorëve privatë fitimet e ardhshme të Kupës së Botës.
UEFA tha sot se paraqiti dokumente në një gjykatë të Manhattanit duke kërkuar zbulimin e provave të mundshme nga fondi i investimeve në Nju Jork, Thrive Capital Management, i themeluar nga Joshua Kushner.
Thrive dhe Kushner do të ishin investitorët kryesorë që synonin t’i paguanin FIFA-s 4.2 miliardë dollarë për 20% të aksioneve në një degë që do të drejtonte ngjarjet komerciale të organit të futbollit, përfshirë Kupën e Botës.
“UEFA dhe avokatët e saj po shqyrtojnë një procedurë penale zvicerane kundër Infantinos dhe ndoshta zyrtarëve të tjerë të FIFA-s për keqmenaxhim penal sipas nenit 158 të Kodit Penal Zviceran”, deklarojnë avokatët e UEFA-s në një dokument prej 56 faqesh të parë nga agjencia e lajmeve Associated Press.
Dokumenti sugjeron se shifra prej 4.2 miliardë dollarësh mund të jetë një “çmim mashtrues jashtë tregut i promovuar nga Infantino për përfitimin e tij”.
Infantino hoqi dorë nga plani i shitjes më 1 gusht pas një reagimi të ashpër nga liderët globalë të futbollit, përfshirë UEFA-n.
