Blutë e Sarandës dyshojnë se 20-vjeçari është përfshirë në një konflikt për një vajzë dhe më pas është goditur me thikë nga Sokrat Vata, i cili ishte truproja i ‘Principotes’.
Sokrat Vata, autori i vrasjes së 20-vjeçarit portugez mëngjesin e sotëm në Ksamil është vënë në pranga nga policia. Arratia e 29-vjeçarit nga Hasi, zgjati vetëm disa orë, pasi ai u kap në Levan të Fierit, teksa ishte fshehur në bagazhin e një makine.
Ngjarja ka ndodhur në orët e para të mëngjesit të kesaj të marte, ku i riu Miguel Mendes është gjetur pa shenja jete në shezlongët e një plazhi, pranë lokalit ‘Principotes’.
Blutë e Sarandës dyshojnë se 20-vjeçari është përfshirë në një konflikt për një vajzë dhe më pas është goditur me thikë nga Sokrat Vata, i cili ishte truproja i ‘Principotes’.
Migel Mendes ka qenë klient në ‘Principotes’ me disa persona të tjerë. Në konflikt mësohet se kanë qenë edhe disa persona të përfshirë, ku e kanë nxjerr nga lokali deri tek porta dhe më pas 29-vjeçari e ka goditur me thikë.
Pas ngjarjes autori është larguar nga vendi, por arratia e tij nuk zgjati shumë. Autori 29-vjeçar nuk është një emër i panjohur pasi ka një të kaluar kriminale në Britaninë e Madhe. Ai është arrestuar dhe dënuar në Angli për trafik droge me pesë vite burg.
