Nga talenti Arda Guler tek instinkti vrasës i Harry Kane: në turneun që nis sot, do të ketë shumë gjëra për t’u mbajtur shënim.

Një futbollist mund të ndikojë në Kupën e Botës në dy mënyra: me paraqitjet e tij në fushë dhe me famën që ka në media. Dikur rëndësi kishte kryesisht ajo që bënte lojtari në fushë, ndërsa sot ndikimi mediatik është po aq i madh.

Kjo Kupë Bote pritet të ketë shumë fitues, jo vetëm ekipin që do të ngrejë trofeun. Fitues do të jenë edhe lojtarët që tërheqin më shumë vëmendje, gjenerojnë më shumë interes dhe fitojnë më shumë ndjekës në rrjetet sociale.

Mes yjeve më të mëdhenj janë Lionel Messi dhe Cristiano Ronaldo. Të dy po marrin pjesë në Kupën e tyre të gjashtë të Botës dhe me shumë mundësi në të fundit. Ata mbeten figurat më tërheqëse të turneut. Messi tashmë e ka fituar Kupën e Botës, ndërsa Ronaldo ende e kërkon këtë sukses të madh.

Pas tyre vijnë Kylian Mbappé dhe Erling Haaland. Haaland është një makinë golash dhe një kandidat i fortë për t’u shpallur golashënuesi më i mirë i turneut. Mbappé, ndërkohë, synon të tregojë se mund të udhëheqë ekipin e tij drejt suksesit të madh.

Një tjetër grup yjesh përfshin Harry Kane dhe Jude Bellingham të Anglisë. Kane po kalon një periudhë shumë të mirë dhe shpreson të ndihmojë Anglinë të arrijë më në fund suksesin që kërkon prej vitesh. Bellingham mbetet një nga mesfushorët më të talentuar të brezit të tij.

Në mesin e talenteve të rinj spikasin Vinicius Junior dhe Lamine Yamal. Vinicius është një nga armët kryesore të Brazilit, ndërsa Yamal, pavarësisht moshës së re, ka treguar vetëbesim dhe talent të jashtëzakonshëm.

Egjipti, Senegali dhe Algjeria mbështeten shumë te yjet e tyre Mohamed Salah, Sadio Mané dhe Riyad Mahrez, të cilët mund të bëjnë diferencën për ekipet respektive.

Ndër surprizat e mundshme përmendet braziliani Rayan, i cili ka tërhequr vëmendjen me cilësitë e tij teknike dhe fizike. Një tjetër emër interesant është Désiré Doué i Francës, një lojtar krahu shumë i vështirë për t’u ndalur.

Gjithashtu pritet të shkëlqejnë Jamal Musiala i Gjermanisë, Arda Güler dhe Kenan Yıldız të Turqisë, si dhe mbrojtësi spanjoll Pau Cubarsí.

Në fund, çdo Kupë Bote nxjerr në pah emra të rinj dhe surpriza të papritura. Disa nga lojtarët e përmendur mund të bëhen protagonistët e mëdhenj të turneut, për mirë ose për keq.