Zakonisht, 72 orët e para pas një tërmeti konsiderohen si “dritarja e artë” për gjetjen e të mbijetuarve. Sipas specialistëve, familja mundi të mbijetonte falë krijimit të një “hapësire boshe” nën rrënoja, e cila siguroi ajër dhe mbrojtje nga shembja e plotë e strukturës.
Një familje me katër anëtarë është nxjerrë e gjallë nga rrënojat e një ndërtese të shembur në La Guaira, 12 ditë pas tërmeteve shkatërruese që goditën Venezuelën, në një nga historitë më prekëse të shpëtimit që kanë dalë nga kjo tragjedi.
Operacioni i shpëtimit u realizua nga ekipet e emergjencës dhe vullnetarët, të cilët u panë duke festuar momentin kur të mbijetuarit, të rraskapitur por të vetëdijshëm, u transportuan në një vend të sigurt. Pamjet e shpëtimit janë shpërndarë gjerësisht në rrjetet sociale.
Ekspertët e fatkeqësive natyrore theksojnë se mbijetesa për 12 ditë nën rrënoja është jashtëzakonisht e rrallë. Zakonisht, 72 orët e para pas një tërmeti konsiderohen si “dritarja e artë” për gjetjen e të mbijetuarve, pasi më pas shanset për mbijetesë bien ndjeshëm për shkak të dehidratimit, mungesës së oksigjenit dhe lëndimeve.
Sipas specialistëve, familja mundi të mbijetonte falë krijimit të një “hapësire boshe” nën rrënoja, e cila siguroi ajër dhe mbrojtje nga shembja e plotë e strukturës. Autoritetet nuk kanë dhënë ende detaje për gjendjen e tyre shëndetësore.
Ndërkohë, ekipet e shpëtimit kanë realizuar edhe disa operacione të tjera të suksesshme, duke nxjerrë të gjallë një roje sigurie pas tetë ditësh nën rrënoja, një djalë 12-vjeçar pas pesë ditësh dhe një foshnjë 18-ditëshe së bashku me nënën e saj.
