Tërmetet e fuqishme me magnitudë 7.2 dhe 7.5 të shkallës Rihter e kanë futur Venezuelën në gjendje të jashtëzakonshme, duke vrarë të paktën 32 persona dhe duke shkaktuar dëme të mëdha në ndërtesa.
Aeroporti Ndërkombëtar Sioón Bolívar në Maiquetia, i cili i shërben kryeqytetit Karakas, pësoi dëme të rënda, me skena paniku të regjistruara ndërsa pjesë të çatisë u shembën, duke çuar në mbylljen e objektit. Videot që qarkullojnë në mediat sociale tregojnë skena paniku, ndërsa pasagjerët dhe punëtorët evakuohen nga terminali i aeroportit nga frika.
Presidentja e përkohshme Delcy Rodriguez shpalli gjendje të jashtëzakonshme dhe emëroi një gjeneral për të mbikëqyrur reagimin ndaj emergjencave. Gjatë fjalimit të saj drejtuar kombit, ajo shprehu ngushëllimet e saj për ata që humbën të dashurit e tyre në tërmet. Ajo konfirmoi gjithashtu se aeroporti në Maiquetia, aeroporti kryesor ndërkombëtar i Venezuelës që ndodhet në periferi të Karakasit, ishte mbyllur për shkak të “dëmeve serioze”.
